SECCIÓNS DA WEB
Únete a otros 1.775 suscriptores
A Asemblea Aberta de Coia conseguiu reunir o apoio de centos de persoas de todo o Estado en prol da absolución do activista e referente social Diego Lores. Nun manifesto publicado no segundo aniversario da loita veciñal na rotonda, o colectivo reiterou na súa inocencia e insistiu na falta de probas aportadas pola acusación de cara o xuízo do próximo 17 de xaneiro. Lores enfronta unha pena de tres anos e medio de prisión e 30.356 euros de responsabilidade civil pola denuncia dun axente municipal, que o acusa sen probas de agredilo e lesionalo.
Os feitos ocorreron o pasado 15 de decembro de 2014 durante unha das cargas policiais contra a veciñanza. “Diego sempre foi unha das caras máis visibles da loita da rotonda de Coia, polo que creemos que o seu procesamento non é casual. Pretenden que pague por toda a veciñanza, para que quede claro que sucede coas voces disonantes”, consideran desde a Asemblea Aberta, e recordan que iniciaron a protesta pacífica contra este “proxecto megalómano e esperpéntico” porque representaba “un insulto e unha provocación” ante a falta de fondos para emerxencias sociais.
O comunicado sinala o “cúmulo de contradicións e incongruencias por parte da acusación particular (a Policía Local)” durante toda a instrución do procedemento. De feito, a propia Fiscalía determinou en dúas ocasións que non existen indicios de delito, polo que pediu o sobresemento do caso. O Ministerio fiscal determinou que as probas aportadas eran insuficientes e que non queda “acreditado debidamente que por parte do acusado se cometese a infracción criminal da que se lle acusa”.
Por estes motivos, centos de artistas, representantes públicos e profesionais de todos os ámbitos veñen de amosar o seu apoio e solidariedade coa absolución de Lores. “O que nós berrabamos hai dous anos, seguímolo berrando agora: as nosas armas son a razón, as arelas de xustiza social, a utopía dun mundo mellor. Non precisamos nin da forza nin da violencia”, apuntan desde o colectivo veciñal, que sufriu numerosas multas e detencións, así como a condena do activista Xurxo Romero, pola súa defensa dos dereitos sociais da veciñanza de Vigo simbolizada na rotonda do Alfageme.
“As abaixo asinantes manifestamos o noso apoio a Diego ante o proceso que está a piques de comenzar, solicitando a súa libre absolución. Sabemos da súa inocencia, e afirmamos a nosa decidida aposta pola desobediencia pacífica e a nonviolencia como ferramentas de traballo na loita por unha sociedade baseada na xustiza social e a igualdade”.
O alcalde de Vigo anunciou este xoves que o Concello que preside está a valorar unha rebaixa nas taxas de instalación dos postos nos mercadiños de Bouzas e Coia, que pasarían a custar un euro por metro cadrado. Actualmente en Coia a taxa é de 1,40 euros e de 2,05 euros en Bouzas.
O alcalde asegurou estar “satisfeito” do funcionamento dos mercadiños de Bouzas e de Coia (A Bouza), onde “cada vez hai máis vendedores”, e anunciou que o goberno de Vigo estuda “rebaixar as taxas a un euro por metro cadrado”.
O obxectivo, afirmou Caballero, é ter unhas taxas de ocupación “uniformes e absolutamente accesibles” en función do interese dos cidadáns que alí compran. Así, os pagos sería dun euro por metro cadrado, cando ata o momento ascende a 1,4 euros no caso de Coia e a 2,05 euros no de Bouzas.
Rubens Rocha
Por maio do 2014 informábase un novo proxecto para a cidade de Vigo, Abel Caballero o gobernante da torre do concello da Detroit Viguesa a conexión «verde» Travesas-Samil, un BULEVAR en que o comparo co Central Park. O BULEVAR pasaríase a chamar agora a «milla verde» que tería 1,8 quilómetros de Coia a Samil o proxecto bautizado como a MILLA VERDE o anuncio 2 meses despois do antigo chamado BULEVAR.
Este proxecto con algúns reaxustes en viais e rotondas tras aceptar en parte 23 alegacións e desestimar 9. Iniciará o procedemento expropiatorio sen descartar acordos de cesión cos donos. Terá unha anchura de 30 metros.
O proxecto da milla verde entre Coia e Samil a través da avenida de Europa está un pouco abandonado na actualidade pero naquel martes 15 xullo, en Faro de Vigo informaba que estaba máis preto de facerse realidade cinco anos despois de que o Concello o encargase ao estudo dos arquitectos Salvador Fraga, Francisco Javier García-Quijada e Manuel Portolés. O consello da Xerencia de Urbanismo aprobou o venres 18 definitivamente o Plan Especial do paseo, unha ambiciosa operación a desenvolver en cinco fases que abranguerá unha franxa de 116.450 metros cadrados e con 1,8 quilómetros de lonxitude. O documento recibiu 32 alegacións na fase de exposición pública, das que 23 teñen sido estimadas parcialmente, aínda que os reaxustes realizados non afectan á superficie do ámbito nin ás características xerais da senda, que tendria 30 metros de ancho con zonas verdes, carril bici e parques, entre outras dotacións públicas para uso dos cidadáns.
A milla verde recorreria a marxe dereita en sentido descendente da avenida de Europa cara a Samil ao longo de seis ámbitos do PXOM (Cruceiro, Pertegueiras, Dunas, Tomás Paredes, Fontes Pertegueirase Millareira) onde se prevenian urbanizacións que inclúen a reserva de chan para os diferentes tramos do paseo. O Concello iniciará tras a aprobación o expediente de expropiación dos terreos, valorados en 11,7 millóns no proxecto, e estudiaria, segundo sinalaban fontes municipais, acordos cos donos, xa sexa mediante permutas ou a través de cesións da edificabilidade que lles corresponde dentro das urbanizacións previstas. O plan afecta a máis dun centenar de parcelas, catro delas con vivendas.
O proxecto formulábase a longo prazo, en cinco etapas, e a construción do paseo estaba presupostada en 7,8 millóns polo que, sumado ao valor do chan que é necesario ocupar, a operación roldaría os vinte millóns de euros.
O paseo cruza os xardíns da Fundación Sales. Os seus responsables presentaron unha alegación solicitando a exclusión dos seus terreos do ámbito do plan ao argumentar, entre outros motivos, que o proxecto divide o xardín, cun patrimonio botánico de gran riqueza, e pon en risco a súa integridade e visibilidade. Os redactores do proxecto responderon a iso dicindo que «non» hai perigo de mutilación ningunha» do espazo natural, e mesmo se deixa marxe para unha posible ampliación futura. O proxecto integraba tamén a braña da Fochanca, formado por bosque de ribeira, unha frondosa vexetación e fauna diversa.
Outro grupo de alegantes solicitaba que se demore a construción do paseo ata que exista un maior desenvolvemento urbanístico do PXOM na zona. Os arquitectos contestaban no seu informe tras estudalo que o Plan Xeral reflicte a milla verde como un «obxectivo prioritario», e en todo caso a operación se materializaría cun programa de etapas «flexible».
Os principais reaxustes refírense a viais afectados pola actuación e correccións en datos de propiedades. Os autores do plan especialhabian realizado os cambios para o efecto e proposto alternativas para situar as rotondas que se instalarían na avenida de Europa para mellorar a mobilidade e os accesos a Alcabre e Navia.
Varias das alegacións presentadas sostinieron que o proxecto vulnera as determinacións do Plan Xeral. A iso responderon os redactores que o ámbito a ocupar delimitado no proxecto coincide co do PXOM e simplemente eran necesarios axustes no viario afectado. O plan especial, inicidial neste punto, conta con todos os informes favorables, dende o visto e prace do departamento autonómico de Protección de Patrimonio Cultural ata o de Estradas do Estado e o da área de Mobilidade do Concello. A Xunta determinou polo ano 2009 que non era necesario sometelo ao procedemento de avaliación estratéxica ambiental.
A aprobación definitiva do plan chegaría dous anos despois da inicial. O proxecto naquel entón avanzaba con lentitude e era necesario cubrir todo o trámite expropiatorio ou de ocupación por acordo mutuo. Paralelamente os arquitectos presentaron o proxecto de urbanización. Aínda que as obras dixeron que empezarían no prazo aproximado dun ano na actualidade non se ve tal inicio das obras, aínda serán necesarios varios máis ata despois das municipais do 2015 se o actual alcalde revalida o seu cargo para ver se este proxecto vai poñerse en marcha, todo me indica que parece ser que se así que teriamos o Central Park Vigues segundo así o comparo o gobernante da torre do concello da cidade da Detroit Viguesa, Abel Caballero, segundo Abel Caballero dixo que se recuperaría unha ampla avenida na que agora prima o tráfico de vehículos a motor fronte ao peonil e de ciclistas.
Rubens Rocha [@IlCanallaRubens]
Nunha asemblea celebrada o mercores 8 de Abril a Asemblea Aberta de Coia tomou a decisión de denunciar a Carmela Silva pola comisión dun delito de inxurias e calumnias contra as integrantes do seu movemento, pola publicación na súa conta de twitter o pasado 29 de marzo, dunha afirmación na que se acusaba aos “antialfageme” de ser “nazis” e de impoñer a nosa opinión”exercendo a violencia”.
Segun din: Parécenos intolerable que unha representante da cidadanía, cun cargo como o de Tenente de Alcalde, fale neses termos de persoas que non fan máis que denunciar a ineficacia e insuficiencia da política social do Concello.
A chamada loita da rotonda foi dende un principio e até o de agora un movemento reivindicativo pacífico e comunitario, no que diversas xentes do barrio de Coia e da cidade, intentamos visualizar a situación de precariedade e empobrecemento no que vive unha importante parte da cidadanía.
Fronte a isto o Goberno Municipal respondeu con descualificacións, ameazas e represión policial, co fin de acalar unha protesta xusta e necesaria.
Logo de sufrir as sancións, as imputacións e a violencia institucional por parte do Alcalde e os seus concelleiros, non imos tolerar as graves descualificacións feitas publicamente pola Srª Silva. Por iso presentaremos na vindeira semana unha denuncia penal colectiva asinada por ducias de persoas que estamos a loitar nos últimos meses en contra da dilapidación de cartos públicos en obras faraónicas, mentres miles de veciñas sofren o empobrecemento que unhas políticas sociais municipais deficientes non son quen de solucionar.
Asemblea Aberta de Coia
No mes de decembro do pasado ano comezaba a seguir unha loita cidadá, a loita polos dereitos sociais e a dignidade dun barrio. A miña intención tan só era cubrila pero pouco a pouco fun deixando cubrir esta loita e me unin a ela. A clave desta loita tivérona catro persoas, tres as coñecía, pero non as coñecía a fondo, na loita empecei a coñecelas de verdade.
Unha das persoas era Bea unha muller a cal a vida lle deu un revés pero con loita e tesón logro darlle a ese revés un xiro, a súa forza interior é descomunal ata un punto que a adquires. Outra persoa é Esther unha muller a cal loita contra as causas inxustas cun gran compañeiro ese é Diego, estas dúas persoas dan todo o que posúen por axudar a persoas que están en risco de exclusión social. E a cuarta e fundamental, Emilio, Emilio adoitábao ver cada vez que había un acto ou asembleas da plataforma de afectados da hipoteca (PAH) onde adoitan facer na parroquia como outras plataformas máis ás cales son un máis pero non o coñecía de falar ou tratar.
Séntome orgulloso de terte coñecido, de ti en pouco tempo aprendín moito, no tempo que estivemos dentro da rotonda, a rotonda na que convivimos xuntos e loitado por unha gran causa, a causa de loitar polos dereitos sociais e as necesidades dun barrio que é Coia no cal a crise se cebou inxustamente con el. Vostede Emilio é un referente para todas as persoas que loitamos na rotonda da vergoña, sempre nos alentou e nos fixo pasar o tempo máis ameno co seu grande humor, sabendo por compañeiros que vostede é un soporte para as persoas que non ten nada grazas ao servizo á comunidade que desenvolve.
Dende que o empecei a coñecer a través de escoitalo e tratalo quero que teña presente que a miña visión cara á igrexa á cal representa cambiou un pouco, a igrexa e esta cidade necesitan a máis xente como vostede, grazas á escoita puiden facer que cambiase a miña capacidade de compresión e esa capacidade xamáis cambiara xa que vostede dentro meu estará ata o que quede de vida.
Débolle de dar as grazas totais por abrirme as portas á súa parroquia e coñecer a grandes xentes como Bea, Diego,Esther, Roxana, David, Berto, Roi, Maria, Adrian, Juan, Serafin, Xose, Mon, Eloy, Maia, Paula, Jose, Lucas, Fini, Xurxo, Lola, Xoan, Pablo, Xesús, Manuel, Manolo, Gabriela, Roberto, Nahiara, Carmen, Violeta e un longo elenco respectables grandes loitadores dos dereitos sociais e da xustiza social, ou sexa xente comprometida de verdade.
Risas, bágoas, horas interminables conversando ata quedar case sen voz. Obtiven tanto de vostede que creo que con esta carta que estou tipeando no meu vello computador do 2004 e posteando nesta paxina miña persoal non poderei pagalo polo tanto que vostede me deu e agora simboliza para a miña persoa moitisimo, dubido que poida superar alguen o outra persoa a sua esencia deixou na miña vida. Coa súa sabedoría e o seu ben estar fixo que eu crecese como persoa tanto ou o suficiente como para converterme nunha mellor persoa, aínda que moitas das leccións fosen moi amargas polas aparicións de homes vestidos de negro na nosa loita.
Quero trasmitirlle que os nosos camiños non remataran que non se separaran, quero camiñar polo seu camiño aínda que estou consciente de que eu non teño o control sobre iso xa que hai un destino que en ocasions é bastante caprichoso. O único que podo e quero facer é prometer que nunca me perderá xa que aquí estou para o que poida axudalo, porque quero a súa parroquia e vostede poidan contar cando máis o necesiten.
Decáteime grazas a unha mensaxe nun mensaxeiro moi coñecido que é candidato a Vigues Distinguido, decáteime por esa vía xa que debo de confesarlle que non adoito visitar o diario chamado Faro de Vigo por cuestións éticas e morais vostede xa me entende. Vostede para o min xa é gañador dese galardón xa que se gañou moito na miña persoa e en moitas outras da parroquia á cal dá o seu servizo e non só para os da parroquia senón para ese grupo que estivemos na rotonda dende o mes de Decembro ata o día bochornoso do traslado do buque á rotonda da vergoña da Detroit Viguesa, esas persoas que estamos unidas, persoas que lle agradecemos o seu bo estar e ese corazón grande e fermoso que ten, grazas a vostede formouse esta gran familia.
E con isto voume despedindo de vostede dicíndoo que todo o que vostede me soubo dar e demostrar coas súas ocorrencias e sabedoría, fixo que a miña vida sexa moito máis feliz. De non contar coa súa amizade e o seu compañeirismo a contar agora, creo que hai moito tempo eu perdera o rumbo e grazas a vostede agora teño o control de todo, grazas a vostede puiden transformarme nunha mellor versión de min mesmo. Felicidades por esa nominación e grazas totais por todo Emilio.
Rubens Rocha [@IlCanallaRubens]
PD. Algúns como eu temos de referente a Ernesto Guevara «o Che» pois tamén teño como referente a Emilio un dos parrocos da Parroquia do Cristo de la Victoria e tal como dicía o Che «ata a vitoria sempre». Emilio mereces que a cidade che recoñeza o teu traballo, e para min eres un gran referente porque non hai ninguén como o ti en Vigo que loite sen cesar.