SECCIÓNS DA WEB
Únete a otros 1.775 suscriptores
Encántame que o tempo da razón ás miñas denuncias, se, encántame, porque cando un denuncia baixo coñecementos é porque sabe do tema.
5º Carece de sinalización.
Este aparcadoiro tivo un custo ao concello 540.000 euros nunha zona con terreos inestables e moitos cartos que non os vale.
Fotografías de XOÁN CARLOS GIL
VIGO / A VOZ
Dous meses despois da súa entrada en funcionamento, o aparcadoiro municipal do Hospital Álvaro Cunqueiro ofrece o aspecto de levar moito máis tempo en uso. A área gratuíta de estacionamento cuxa construción custou preto de 540.000 euros xa necesita unha remodelación e non fixo máis que empezar a prestar un servizo útil. A primeira ollada, obsérvase que o firme sufriu un notable desgaste polas choivas e o uso continuado.
A erosión está a afectar en catro das dez prazas de aparcadoiro para persoas con mobilidade reducida. A cor azul que as identifica está a borrarse e todo parece indicar que acabará desaparecendo se non se toman medidas. Do mesmo xeito, estanse difuminando moitas marcas viarias que ordenan o espazo. Os pasos peonís, por exemplo, xa case non se distinguen nalgúns tramos tapados por miles de pedras.
En toda a superficie do aparcadoiro abundan as fochancas. Nada máis acceder hai unha focha duns 45 centímetros onde se acumula auga cada vez que chove. O estado do terreo non cambia ao entrar na chaira municipal. Unha gran cantidade de fochancas e deformacións do terreo obrigan a circular con coidado. Ademais, percíbese falta de limpeza polo pouco civismo que demostran algúns usuarios que arroxan desperdicios ao chan. Abundan as latas, paquetes de tabaco, papeis e toda clase de envases, que ofrecen unha imaxe de abandono do recinto.
O único sinal vertical de tráfico existente, que indica a prohibición de facer un xiro á dereita, cambaléase. O único que non presenta signos de deterioración é o viario de acceso pavimentado duns cen metros de lonxitude e unha senda peonil que bordea a superficie.
Todos os usuarios consultados onte destacaron ter a impresión de que a construción foi de moi baixa calidade, pero tamén recoñeceron o gran servizo que presta aos cidadáns.
María, traballadora dunha empresa privada que presta servizos no hospital, afirma que «este espazo está ben porque era necesario, pero ou aparcadoiro está feito unha porcallada. Ou firme está bastante mal. Esbara ou coche cando chove pola pedriña esta. Cando pase máis tempo e chova máis, a ver», sinala. «Isto é made in Spain, nin máis nin menos», afirma Fran González, que onte acudiu a ver un familiar que está ingresado. Pablo Cameselle ten á súa avoa ingresada e cre que o aparcadoiro foi unha gran idea «pero foi un investimento mínimo. Para o ano estará cheo de fochas. Entendo que se fixo con présa nun momento político e en pouco tempo haberá que reformalo. É un mal xeneralizado neste país. Non sabemos facer as cousas con dous dedos de fronte para gastar o diñeiro só unha vez», critica.
Centos de persoas utilizan a diario este aparcadoiro porque, a diferenza do subterráneo do hospital, é gratuíto. Polo menos de momento, dado que o Concello xa se fixo coa tecnoloxía necesaria e estuda facelo de pagamento para os usuarios que non estean provistos do cartón Pass Vigo. O pleno de hoxe debaterá unha moción do PSOE para demandar a gratuidade do aparcadoiro do hospital que, segundo criticou onte o portavoz Carlos López Font, «converteuse nun copago á sanidade co que a Xunta discrimina aos vigueses».
A Xunta de Persoal do Chuvi desenvolveu onte unha concentración no interior do hospital Álvaro Cunqueiro para reclamar que se poña fin ao caos de tráfico existente na contorna do centro médico e se habiliten máis prazas de aparcamento gratuíto en superficie. Ao remate da protesta a representación dos traballadores/as rexistrou un escrito con estas demandas dirixido ao alcalde e ao conselleiro de Sanidade.
Dende a Xunta de Persoal explican que os problemas que a diario se rexistran no acceso ao hospital Álvaro Cunqueiro afectan tanto aos traballadores/as -“que teñen serios problemas para acceder aos seus postos de traballo en tempo e forma”- como ao persoal das ambulancias, “que se atopan con verdadeiros tapóns para acceder a Urxencias ou a outros servizos”.
Pero tamén se ve afectado o persoal do transporte público, urbano e interurbano, que a determinadas horas ten difícil manobrar no entorno do hospital e cumprir cos horarios programados. “Mais tamén o conxunto de usuarios/as do hospital, que teñen dificultado o acceso, tanto en transporte público como en vehículos privados”.
Segundo denuncian, esta situación obedece a unha mala planificación dende a concepción mesma do proxecto, que se centrou en dirixir o tráfico de vehículos privados ao aparcadoiro de pago, deixando nun lugar secundario o acceso peonil, o transporte público e a garantía de acceso dos profesionais e das ambulancias.
Diante disto, reclámanlle á Xunta de Galiza e ao Concello de Vigo -“cada un coas súas competencias”- que se poñan de acordo para realizar un estudo de ordenación do tráfico na contorna do hospital, tanto nos viais interiores como nos de acceso pola estrada da Venda, por Clara Campoamor ou pola VG-20.Mais sosteñen que a situación nin está resolta nin se prevé que a resolva o paso do tempo como pretenden algúns xestores. O persoal tampouco ten resolto o seu acceso e aparcamento, o trasporte público presta o servizo que se precisa, tampouco é posíbel o acceso peonil, nin se remataron os atascos a horas punta que limitan o acceso das ambulancias.
Lembran que mesmo antes do inicio da actividade do centro teñen reclamado a subsanación destas deficiencias, logrando 700 prazas de aparcamento gratuíto para o persoal e unha redución do 40% das tarifas das usuarios/as. “Iso si, con auténtica falta de transparencia sobre como repercuten estas reducións no que ten que pagarlle o Sergas á empresa concesionaria”, indican.
Tamén lles demandan que se tomen todas as medidas oportunas para habilitar os espazos existentes en superficie, dependentes das dúas administracións, que permitan o aparcamento regulado e ordenado de xeito gratuíto.
O delegado da Xunta en Vigo, Ignacio López-Chaves, deu o visto e prace á proposta do Concello de Vigo para a construción do novo aparcadoiro municipal na contorna do Hospital Álvaro Cunqueiro, pero coa esixencia de que previamente garanta a seguridade nos accesos e impida estacionamentos inadecuados.
Dito aparcadoiro do Concello de Vigo custara ao redor de 700.000€, López-Cháves comunicou que o Sergas recibiu o pasado 4 de xullo o proxecto do Concello de Vigo, o que, criticou, supón «un atraso de 10 meses desde o anuncio feito polo alcalde, Abel Caballero«, sobre este aparcadoiro.
Así e todo, transmitiu que a Xunta traslada ao Concello vigues despois deste positivo a necesidade de garantir previamente a seguridade nos accesos á infraestrutura hospitalaria e que impida que sigan habendo estacionamentos inadecuados na contorna, o concello manifestou en reiteradas ocasións que non actuaria ao respecto do estacionamento dos coches en zonas indebidas facendo un abandono das súas funcións cosa que a fiscalía está a investigar ditas abandonos.
O delegado da Xunta indicou que debe garantir que os carrís «estean despexados»; velar por «o paso adecuado das ambulancias nas vías de acceso»; e realizar as funcións de tráfico pertinentes, xa que a zona ten unha intensidade de tráfico «superior ao de moitas rúas céntricas da cidade», con máis de 6.400 vehículos ao día, sinalou.
Rubens Rocha